ملٹی نیشنل جوائنٹ اسپیشل فورسز کی مشق فجر الشرق پنجم کی اختتامی تقریب

راولپنڈی (اُمت نیوز)ملٹی نیشنل جوائنٹ اسپیشل فورسز کی مشق فجر الشرق پنجم کی اختتامی تقریب نیشنل کاؤنٹر ٹیررازم سینٹر (NCTC)، پبی میں منعقد ہوئی۔ مشق میں پاکستان، بحرین، عراق اور کویت کی اسپیشل فورسز کے دستوں نے حصہ لیا۔

پاک فوج کے شعبۂ تعلقاتِ عامہ نے بتایا ہے کہ دو ہفتے طویلملٹی نیشنل جوائنٹ اسپیشل فورسز کی مشق کا آغاز 27 نومبر 2023 کو این سی ٹی سی، پبی میں انسداد دہشت گردی کے شعبے میں برادر ممالک کے خصوصی دستوں کی شرکت کے ساتھ ہوا۔
آئی ایس پی آر نے بتایا ہے کہ مشق کرنے والے فوجیوں کے علاوہ برادر ممالک بحرین، عراق اور کویت کے افسران نے بھی اختتامی تقریب کا مشاہدہ کیا۔شرکاء ممالک کی اسپیشل فورسز نے فائنل کے روز اپنی پیشہ وارانہ مہارت کا مظاہرہ کیا۔

آئی ایس پی آر کے مطابق اس مشق کا مقصد برادر ممالک کے درمیان تاریخی فوجی تعلقات کو مزید تقویت دینا اور انسداد دہشت گردی کے خلاف مشترکہ روزگار کے تصورات کو فروغ دینے کے علاوہ مستقبل کے فوجی تعاون کے لیے باہمی دلچسپی کے شعبوں کی نشاندہی کرنا تھا۔