سرائے عالمگیر: تیز رفتار ٹرک نے دو کاروں کو کچل ڈالا،ایک جاں بحق

سرائے عالمگیر (اُمت نیوز) پنجاب کے شہر سرائے عالمگیر میں پیش آنیوالے افسوسناک واقعے میں تیز رفتار ٹرک نے بے قابو ہوکر دو کاروں کو کچل ڈالا جس کے نتیجے میں شخص جاں بحق جبکہ 6 زخمی ہوگئے۔
ریسکیو ذرائع کے مطابق یہ حادثہ منڈہ بہاؤ الدین روڈ پر تھون کے قریب پیش آیا جہاں ایک تیز رفتار ٹرک نے دو کاروں کو کچل دیا، حادثے میں ایک کار ڈرائیور موقع پر جاں بحق ہوگیا جبکہ 6 زخمی افراد میں سے 2 کی حالت تشویشناک بتائی جاتی ہے۔
جاں بحق شخص کی شناخت توقیر کے نام سے ہوئی ہے۔ زخمیوں کو ریسکیو ایمبولینسز کے ذریعے سول ہسپتال منتقل کردیا گیا ہے۔