جناح ایئرپورٹ پر بجلی کی تاروں میں شارٹ سرکٹ،آگ بھڑک اٹھی

کراچی : جناح انٹرنیشنل ایئرپورٹ کراچی پرزیرو لیول پربجلی کے تاروں میں شارٹ سرکٹ کے باعث آگ لگ گئی، جسکے بعد ٹرمینل بلڈنگ کی بجلی بند کردی گئی،ایئرپورٹ حکام کے مطابق زیرو لیول پربجلی کے تاروں میں شارٹ سرکٹ کے باعث آگ لگ گئی،احتیاطی تدابیرکے تحت کراچی ایئرپورٹ کےٹرمینل بلڈنگ کی بجلی بند کی گئی،ذرائع نے بتایا کہ بجلی کی عدم فراہمی پرکسٹم نے اسکیننگ روک دی،کراچی ایئرپورٹ کا ڈومیسٹک ڈیپارچراندھیرے میں ڈوب گیا،ایئرپورٹ ذرائع کے مطابق بین الاقوامی ڈیپارچرلاؤنج کا کچھ حصہ بھی اندھیرے میں ڈوب گیا.

دوسری جانب ترجمان سول ایوی ایشن اتھارٹی نے بتایا کہ کراچی ایئرپورٹ کے زیرو لیول پر لگنے والی آگ پر قابو پالیا گیا،آگ بجلی کی تاروں میں شارٹ سے لگی تھی،ایئرپورٹ کی ٹرمینل عمارت میں جنریٹرسے بجلی بحال کردی گئی۔