تحریک انصاف کا ورچوئل جلسہ، ویب سائٹس کا لنک ڈاون رہا

کراچی: تحریک انصاف کے تحت ورچوئل جلسے کا آغاز ہوگیا، اس موقع پر انٹرنیٹ سروس سست روی کا شکار ہونے سے سوشل میڈیا، سماجی رابطے کی ویب سائٹس کا لنک ڈاون رہا، مختلف سوشل میڈیا پلیٹ فارمز پر جلسے کی لائیو کوریج جاری رہی، ورچوئل جلسے سے روف حسن، مومنہ نیازی، تیمور جھگڑا، کنول شوزب و دیگر نے خیالات کا اظہار کیا۔پی ٹی آئی شکاگو، کینیڈا، اوہائیو، نیو جرسی، یوکے و دیگر جگہوں سے پارٹی کی قیادت ورچوئل جلسے میں شریک تھی۔ کارکن گھر بیٹھے پارٹی قیادت کے حق میں نعرے بازی کرتے رہے اور انتخابی مہم چلانے کی حکمت عملی پر روشنی ڈالتے رہے۔