شہباز شریف کے کراچی سے انتخابات میں حصہ لینے کا امکان

کراچی: مسلم لیگ ن کے قائد میاں نواز شریف نے کراچی کے تنظیمی عہدیداران کو شہباز شریف کی انتخابی مہم ترتیب دینے کی ہدایت کردی ہے اوراس بات کا عندیہ دیا ہے کہ شہبازشریف کراچی سے انتخابات میں حصہ لیں گے۔مسلم لیگ ن کے ذرائع کے مطابق مسلم لیگ (ن) کے مرکزی پارلیمانی بورڈ کے اجلاس میں صوبہ سندھ کے ممکنہ امیدواروں کے انٹرویوزکے دوران نواز شریف نے کہا کہ کراچی والے تیاری کریں، شہباز شریف آپ کے پاس آرہے ہیں، شہباز شریف کراچی سے قومی اسمبلی کی نشستوں سے انتخاب میں حصہ لیں گے۔