15 سالہ ٹک ٹاکر نوجوان زیادتی کے بعد قتل

ٹنڈو محمد خان:  سندھ کے ضلع ٹنڈو محمد خان کے علاقے باجر خان تالپور میں 15 سالہ نوجوان ٹک ٹاکرکو زیادتی کے بعد قتل کر دیا گیا ۔

شیخ برکھو پولیس کے مطابق نامعلوم افراد نے جنید خاصخیلی نامی 15 سالہ ٹک ٹاکر لڑکے کو گاوں سے باہر لے جا کر زیادتی کا نشانہ بنایا اور موقع سے فرار ہونے سے قبل لڑکے کو موت کے گھاٹ اتار دیا ۔

حیدرآباد کے ڈی آئی جی طارق رزاق نے معاملے کا نوٹس لیتے ہوئے ایس ایس پی سید سلیم شاہ کو تحقیقات کرنے اور جلد از جلد ملزمان کو گرفتار کرنے کی ہدایت کر دی ہے ۔

نوجوان کے والد کا کہناتھاکہ اس کے بیٹے کی کسی سے کوئی دشمنی نہیں تھی ، وہ ٹک ٹاک استعمال کرتا تھا اور کبھی بھی گاؤں سے باہر نہیں گیا تھا ۔پولیس نے لاش کو ہسپتال منتقل کرتے ہوئے تحقیقات کا آغاز کر دیاہے ۔