شہر قائد میں سردی کی شدت میں اضافہ ہوگیا

کراچی (اُمت نیوز)کوئٹہ کی یخ بستہ ہواؤں نے کراچی کا رخ کرلیا، شہر قائد میں سردی کی شدت میں اضافہ ہوگیا۔
کراچی میں آج کم سے کم پارا 11.5 ڈگری سینٹی گریڈ ریکارڈ کیا گیا، اور آج بھی تیز ہوائیں چلنے کا امکان ہے۔
محکمہ موسمیات کے مطابق کراچی میں موسم سرد اور خشک رہے گا۔
شہر میں ہواؤں کی رفتار 4 کلو میٹر فی گھنٹہ ریکارڈ کی گئی ہے، آئندہ آنے والے دنوں میں سردی کی شدت میں مزید اضافے کا امکان ہے۔
شہر کا موجودہ درجہ حرارت 17 ڈگری سینٹی گریڈ ہے، جبکہ زیادہ سے زیادہ درجہ حرارت 26 سے 28 ڈگری سینٹی گریڈ تک جانے کا امکان ہے۔
شہر کی ہوا میں نمی کا تناسب 49 فیصد ریکارڈ کیا گیا ہے۔
محکمہ موسمیات کے مطابق جنوری سے شہر میں سردی کی شدت میں مزید اضافے کا امکان ہے۔