مشہور شخصیات لاہور کے کن حلقوں سے الیکشن لڑیں گی؟

لاہور: مشہور شخصیات لاہور کے کن حلقوں سے الیکشن لڑیں گی؟ مسلم لیگ ن، پیپلز پارٹی ، جماعت اسلامی اور تحریک انصاف کے رہنما ؤں لاہور کے مختلف حلقوں سے کاغذات نامزدگی حاصل کر لئے۔تفصیلات کے مطابق مسلم لیگ ن کے قائد نواز شریف این اے 130 سے امیدوار ہوں گے۔مریم نواز نے این اے 119 اور 130 سے کاغذات نامزدگی حاصل کر لئے۔میاں شہباز شریف نے این اے 123 سے کاغذات حاصل کر لئے۔علیم خان نے این اے 119 میں کاغذات نامزدگی جمع کروا دئیے۔بلاول بھٹو زرداری این اے 128 سے الیکشن لڑیں گے ۔

شفقت محمود این اے 128 سے الیکشن میں حصہ لیں گے۔یاسمین راشد پی پی 174، اسلم اقبال پی پی 171 سے انتخاب لڑیں گے۔نائب امیر جماعت اسلامی لیاقت بلوچ نے این اے 128 اور 123 سے کاغذات نامزدگی جمع کرا دیئے۔پی ٹی آئی رہنما صنم جاوید نے مخصوص نشستوں کے ساتھ این اے 119 اور 123 سے کاغذات جمع کروا دئیے۔زرتاج گل، ذکیہ شاہنواز، صبا صادق اور تہمینہ دولتانہ نے بھی مخصوص نشستوں پر کاغذاتِ نامزدگی جمع کروا دئیے۔