نامور پاکستانی اداکار نثار قادری 82 برس کی عمر میں انتقال کر گئے

راولپنڈی :  معروف پاکستانی اداکار نثار قادری 82 برس کی عمر میں انتقال کر گئے۔پاکستانی ڈرامہ انڈسٹری میں الگ پہچان رکھنے والے اداکار نثار قادری نے اپنے فنی کیرئیر کا آغاز 1966 میں نشر ہونے والے ڈرامہ دیواریں سے کیا، ان کو 2016 میں صدارتی تمغہ حسن کارکردگی سے بھی نوازا گیا۔

انہوں نے اپنے پسماندگان میں ایک بیوی اور تین بچے چھوڑے ہیں، ان کی نماز جنازہ کل صبح راولپنڈی میں ادا کی جائے گی۔