آصف زرداری نے تحریک انصاف کو محنت کا مشورہ دیدیا 

نواب شاہ، پاکستان پیپلزپارٹی پارلیمنٹیرینز کے سربراہ آصف زرداری نے پاکستان تحریک انصاف کو الیکشن میں محنت کا مشورہ دے دیا۔

نوابشاہ میں آصف علی زرداری کاغذات نامزدگی کی جانچ پڑتال کیلیے ریٹرننگ آفیسر کے دفتر پہنچے اور جانچ پڑتال کروائی۔

اس موقع پر ان کا کہنا تھا کہ چیف جسٹس نے کہہ دیا ہے انتخابات ضرور ہوں گے۔پیپلزپارٹی کا مستقبل روشن ہے،  انشاءاللہ حکومت ہم بنائیں گے۔

آصف زرداری کا کہنا تھاکہ پی ٹی آئی کو محنت کرنی چاہیے، پہلے بغیر محنت کیے آگئے تھے، اب محنت کریں۔

خیال رہے کہ آصف علی زرداری نے قومی اسمبلی کے حلقہ این اے 207 سے کاغذات نامزدگی جمع کرائے ہیں۔