پنجاب میں دھند کے ڈیرے، موٹرویز متعدد مقامات سے بند

لاہور(اُمت نیوز) پنجاب میں دھند نے ڈیرے ڈال لیے جس کے نتیجے میں موٹر وے کئی مقامات سے بند کردی گئی جبکہ جی ٹی روڈ پر بھی حد نگاہ صفر ہے۔
ترجمان موٹر وے پولیس کے مطابق دھند کے باعث لاہور اسلام آباد موٹر وے ایم ٹو ٹھوکر نیاز بیگ سے کوٹ سرور تک بند کردی گئی۔
اسی طرح موٹر وے ایم تھری فیض پور سے سمندری تک بند کردی گئی۔ اس کے علاوہ موٹر وے ایم فور ملتان سے عبدالحکیم انٹرچینج تک بند کردی گئی جبکہ موٹروے ایم 5 شیرشاہ سے اوچ شریف تک دھند کے باعث بند ہے، ملتان سکھر موٹروے ایم 5 دھند کے باعث بند ہے۔ موٹروے پولیس کے مطابق دھند کے باعث موٹروے ایم فائیو ظاہر پیر شیر شاہ تک بند ہے، شہری سفر کے دوران فوگ لائٹس استعمال کریں اور غیرضروری سفر سے اجتناب کریں۔