کراچی، لانڈھی میں گھر میں سلنڈر دھماکا، خاتون جاں بحق

کراچی: شہر قائد کے علاقے لانڈھی نمبر چار کے ایک گھر میں سلنڈر دھماکے میں دو خواتین اور دو بچے زخمی ہو گئے، جن میں سے ایک خاتون دم توڑ گئی۔

کراچی کے علاقے لانڈھی 4 شاہی مسجد کے قریب واقع گھر میں سیلنڈر دھماکا ہوگیا، جس کے نتیجے میں گھر میں موجود 2 خواتین اور 2 بچے آگ میں جھلس کر زخمی ہوگئے۔

واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں، اور زخمیوں کو اسپتال منتقل کر دیا۔ جہاں ایک خاتون زخموں کی تاب نہ لاتے ہوئے دم توڑ گئی۔