نگراں وزیر فواد حسن فواد کو عہدے سے ہٹانے کی درخواست مسترد

اسلام آباد: الیکشن کمیشن نے نگران وزیر نجکاری فواد حسن فواد کے خلاف عزیز الدین کاکا خیل کی درخواست پرمحفوظ فیصلہ سنا دیا۔

الیکشن کمیشن نے یکشن کمیشن نے وزیر نجکاری کمیشن فواد حسن فواد کو ہٹانے سے متعلق درخواست مسترد کردی، نگران وفاقی وزیر پر سیاسی وابستگی کا الزام تھا۔

اپنے فیصلے میں کمیشن نے کہا کہ فواد حسن فواد نجکاری کے وزیر ہیں، وہ الیکشن عمل پر متاثر نہیں ہوسکتے، وہ ماضی میں بھی اہم پوزیشن پر کام کرتے رہے ہیں، درخواست ذاتی رنجش معلوم ہوتی ہے۔

واضح رہے کہ گزشتہ روز الیکشن کمیشن نے فواد حسن فواد کے خلاف درخواست پر سماعت مکمل ہونے کے بعد فیصلہ محفوظ کرتے ہوئے درخواست گزار ایڈووکیٹ سید عزیز الدین کاکاخیل کو نوٹس جاری کیا تھا۔