مودی سرکار نے کل جماعتی حریت کانفرنس پر پابندی لگادی

بھارت (اُمت نیوز)مودی سرکار نے مقبوضہ جموں و کشمیر کی تنظیم کل جماعتی حریت کانفرنس پر پابندی عائد کردی ہے۔ ۔

مرکزی وزیر داخلہ امیت ساہ نے الزام لگایا ہے کہ تنظیم جموں و کشمیر کو بھارت سے الگ کرانا چاہتی ہے۔

کل جماعتی حریت کانفرنس پر پابندی کا اعلان کرتے ہوئے بھارت کے وزیر داخلہ نے کہا کہ حریت کانفرنس جموں و کشمیر کو بھارت سے الگ کرنے کی ممنوع سرگرمیوں میں ملوث تھی۔

بھارتی وزیر داخلہ کا یہ بھی کہنا تھا کہ کل جماعتی حریت کانفرنس بھارت میں اسلامی قانون نافذ کرنے کی کوشش کرتی رہی ہے۔

مودی سرکار نے کل جماعتی حریت کانفرنس کو دی ان لا فل ایکٹیویٹیز پریوینشن ایکٹ (یو اے پی اے) کے تحت غیر قانونی تنظیم قرار دیا ہے۔ اس تنظیم کو پہلے سید علی شاہ گیلانی مرحوم چلایا کرتھے تھے۔

امیت شاہ نے کل جماعتی حریت کانفرنس پر پابندی کا اعلان کرتے ہوئے مزید کہا کہ یہ تنظیم بھارت مخالف پروپیگنڈا کر رہی ہے اور جموں و کشمیر میں علیٰحدگی پسند رجحان کو فروغ دینے کے لیے دہشت گردی کا سہارا لے رہی ہے۔

مودی سرکار نے چند روز قبل مسلم لیگ جموں و کشمیر (مسرت عالم گروپ) پر بھی پابندی عائد کردی تھی۔ مسلم لیگ جموں و کشمیر پر بھی بھارت مخالف پروپیگنڈا کرنے اور علیحٰحدگی پسند رجحان کو ہوا دینے کے الزامات عائد کیے گئے تھے۔