پیپلز پارٹی، ن لیگ اور پی ٹی آئی نے الیکشن التوا مسترد کردیا

اسلام آباد: پاکستان پیپلز پارٹی، مسلم لیگ ن اور پاکستان تحریک انصاف نے الیکشن کے التوا کے لیے سینیٹ میں جمعہ کو منظور کی گئی قراردادوں کو مسترد کردیا ہے۔ پاکستان پیپلزپارٹی کے چیئرمین بلاول بھٹو زرداری نے سینیٹ میں الیکشن ملتوی کرنے کے حوالے سے قرارداد کو مسترد کرتے ہوئے کہا کہ الیکشن ہوں گے۔ مسلم لیگ ن نے کہا کہ پارٹی کا دوٹوک فیصلہ ہے 8فروری کو الیکشن ہونگے۔

پاکستان پیپلز پارٹی کی رہنما شیری رحمان کا کہنا ہے کہ پیپلز پارٹی 8 فروری کے انتخابات میں حصہ لینے کے لیے بھرپور تیار ہے، جب سب الیکشن کے التوا کی بات کرتے تھے تو پاکستان پیپلزپارٹی الیکشن کے انعقاد کی بات کرتی تھی، پیپلزپارٹی نے انتخابات ملتوی کرانے کی قرارداد کی حمایت نہیں کی بلکہ اس کی بھرپور مخالفت کرتے ہیں، قرار داد پر ہمارے دستخط بھی نہیں۔

لائیو: پاکستان پیپلز پارٹی کی مرکزی رہنماء سینیٹر شیری رحمان میڈیا سیل بلاول ہاؤس کراچی میں پریس کانفرنس کررہی ہیں۔ https://t.co/iB6DGS1ISg

— Pakistan Peoples Party – PPP (@PPP_Org) January 5, 2024

جمعہ کو سینیٹ میں الیکشن التوا کی قرار داد پاس ہونے کے بعد کراچی میں پریس کانفرنس سے خطاب کرتے ہوئے سینیٹر شیری رحمان کا کہنا تھا کہ الیکشن کے میدان میں صرف پاکستان پیپلز پارٹی ہی سرگرم عمل نظر آئی ہے، ہمارا شروع دن سے مؤقف سب کے سامنے ہے، چیئرمین بلاول بھٹو زرداری نے سب سے زیادہ جلسے کیے اور الیکشن کے لیے سرگرم رہے ہیں۔ایک اور سوال کے جوا ب میں انہوں نے کہا کہ بہرہ مند تنگی نے وضاحت کی کہ انہوں نے مخالفت کی ہے، سینیٹ اجلاس کی ویڈیو دیکھ کر بہرہ مند تنگی سے وضاحت لیں گے۔

1. Strongly condemn the self-serving Senate resolution asking for delaying the 8th February 2024 General Elections.
2. This resolution was illegally passed in the Senate when there was no quorum.
3. PTI will not waver from its stance of demanding free and fair General Elections…

— Omar Ayub Khan (@OmarAyubKhan) January 5, 2024

پاکستان تحریک انصاف کے سیکرٹری جنرل عمر ایوب نے سینیٹ میں انتخابات کو ملتوی کرنے کی قرارداد کی شدید مذمت کی ہے۔عمر ایوب نے کہا کہ عام انتخابات کو ملتوی کرنے کے لیے سینیٹ کی خود ساختہ قرارداد کی شدید مذمت کرتے ہیں، یہ قرارداد سینیٹ میں کورم پورا نہ ہونے کے باوجود غیر قانونی طور پر منظور کی گئی۔