مسلم لیگ ق کا نون لیگ سےسیٹ ایڈجسٹمنٹ نہ کرنے کا اعلان

لاہور:مسلم لیگ (ق) نے مسلم لیگ (ن )سے سیٹ ایڈجسٹمنٹ نہ کرنے کا اعلان کر دیا۔

سیٹ ایڈجسٹمنٹ نہ کرنے کا فیصلہ چوہدری شجاعت کی زیر صدارت اجلاس میں کیا گیا۔ مسلم لیگ (ق) کی جانب سے جار ی اعلامیے میں کہا گیا ہے کہ ( ن) لیگ نے ہمارے مطلوبہ حلقوں میں اپنے امیدوار کھڑے کر دیے ہیں، پارٹی قیادت نے فیصلہ کیا ہے کہ ہم دہرے معیارکا شکار نہیں ہوں گے۔

چوہدری سالک حسین نے کہا کہ( ن) لیگ نے میرے اور میرے بھائی کے خلاف گجرات میں اپنے امیدوار کھڑے کر دیے،(ن) لیگ ہمارے ساتھ مقابلہ کرے گی تو ہم اپنے ساتھیوں کے ساتھ کھڑا ہونے کو ترجیح دیں گے۔مسلم لیگ (ق) پنجاب کے سیکریٹری جنرل چوہدری شافع حسین نے بھی فیصلے سے اتفاق کیا۔