کراچی،راہ چلتی خاتون سے بائیک سوار کی بیہودہ حرکت

کراچی:  شہرقائد میں راہ چلتی خاتون کےساتھ اوباش موٹر سائیکل سوار کی غیراخلاقی حرکت کا ایک اورافسوس ناک واقعہ پیش آیا ہے جس کی سی سی ٹی وی فوٹیج سوشل میڈیا پر وائرل ہوگئی۔ نارتھ کراچی سیکٹر الیون اے میں راہ چلتی ایک خاتون کےساتھ موٹر سائیکل سوار نے غیر اخلاقی حرکت کی۔ فوٹیج میں ایک خاتون کو گلی میں اپنے بچے کے ہمراہ جاتے ہوئے دیکھا جا سکتا ہے جسے موٹر سائیکل سوار اوباش شخص جنسی طور پر ہراساں کر کے فرار ہوگیا۔

پولیس کا کہنا ہے کہ ابھی تک کسی نے اس واقعے سے متعلق شکایت درج نہیں کروائی ہے۔ فوٹیج کا جائزہ لے رہے ہیں، ملزم کو جلد گرفتار کرلیا جائے گا۔یاد رہے کہ گزشتہ سال ستمبر میں بھی نارتھ کراچی سیکٹر 11بی میں موٹرسائیکل سوار اوباش نے خاتون کو ہراساں کیا تھا، خاتون کو ہراساں واقعے کی سی سی ٹی وی فوٹیج منظر عام پر آئی تھی ، فوٹیج میں ملزم کا چہرہ واضح دیکھا جاسکتا تھا۔