کراچی: بیرون ملک سے آنے والے 3 مسافروں کا کرونا ٹیسٹ مثبت آگیا

 

کراچی (اُمت نیوز)بیرون ملک سے کراچی آنے والے مزید 3 مسافروں کاریپڈ اینٹیجن ٹیسٹ مثبت آگیا جس کے بعد کراچی میں جے این ون ویریئنٹ کے کیسز کی تعداد 5 ہوگئی ہے۔

کورونا کی اس نئی قسم کے پانچوں کیسز کے نتائج کراچی کےنجی اسپتال کی لیبارٹری نےجاری کیے۔

قمبرشہداد کوٹ کا رہائشی 21 سالہ نصیر جدہ سے کراچی پہنچا تھا، شمالی وزیرستان کا 22سالہ رہائشی ابوظہبی سے جبکہ مہمند ایجنسی کا رہائشی 22سالہ تیسرا مسافر جدہ سے کراچی پہنچا تھا۔

متاثرہ مسافروں میں کووڈ 19 کی ممکنہ علامات کے پیش نظر ان کا ٹیسٹ کیاگیاتھا۔

اب تک سندھ میں جےاین ون کے 5 کیس رپورٹ ہوچکے ہیں۔

محکمہ صحت کورونا کے جے این ون ویریئنٹ سے متعلق الرٹ ہے، اس حوالے سے سندھ کے ڈی ایچ اوز،ٹی ایچ کیوزاوراسپتالوں میں ہدایات جاری کی جاچکی ہیں۔

طبی ماہرین کے مطابق کورونا کا نیا ویریئنٹ پہلےجیسا طاقتور نہیں ہے، عوام سے اپیل ہے کہ ممکنہ پھیلاؤ سے بچاؤ کےلیےاحتیاطی تدابیراختیارکریں۔