پاک،سری لنکاتعلقات مزیدمضبوط ہورہے،نیول چیف

اسلام آباد: نیول چیف ایڈمرل نوید اشرف سے پاکستان میں تعینات سری لنکا کے ہائی کمشنر ایڈمرل (ر) رویندرا چندرا سری وجے گونارتنے نے گزشتہ روزیہاں نیول ہیڈکوارٹرز اسلام آباد میں ملاقات کی ،اس دوران عصر حاضر کی جغرافیائی سیاسی صورتحال اور نئے ابھرتے ہوئے میری ٹائم سکیورٹی کے چیلنجز پر تبادلہ خیال کیا گیا ۔ ترجمان پاک بحریہ کے مطابق پاکستان میں تعینات سری لنکا کے ہائی کمشنرنے نیول ہیڈکوارٹرز اسلام آباد کا دورہ کیا ۔ اس موقع پر نیول چیف ایڈمرل نوید اشرف نے کہا کہ سری لنکا اور پاکستان کے تعلقات مضبوط سے مضبوط تر ہوتے جارہے ہیں ۔سری لنکن ہائی کمشنر نے خطے میں میری ٹائم سکیورٹی کو یقینی بنانے کے سلسلے میں پاک بحریہ کے کردار کو سراہا۔