کراچی : گدھا گاڑی چلانے والے امیدوارکے کاغذات نامزدگی مسترد

کراچی: سندھ اسمبلی کے حلقہ پی ایس 76 سے گدھا گاڑی چلانے والے امیدوار کے کاغذات نامزدگی مسترد، کون ہو کیسے مقابلہ کرو گے؟ چیف جسٹس سندھ ہائیکورٹ کے استفسارپردرخواست گزار معشوق علی جانوری نے جواب دیا کہ مسلم لیگ ق نے نامزد کیا ہے، حلقے کے عوام کی مدد سے الیکشن لڑرہا ہوں۔عدالت کو بتایا گیا کہ درخواست گذارکا پیشہ لکھا ہوا ہے کہ گدھا گاڑی چلاتا ہے اورکاغذات میں پستول بھی ظاہرکیا ہے،چیف جسٹس عقیل احمد عباسی نے ریمارکس دیئے کہ پستول کہاں سے آیا تمہارے پاس؟ کیا بندوق دکھا کر الیکشن لڑو گے؟ خالی فارم بھردو اور الیکشن لڑنے پہنچ جاؤ؟ ایسا کیسے ہوسکتا ہے، کس نے کہا ہے جاکر الیکشن لڑو؟ الیکشن لڑنا ویسے بھی اچھی چیزنہیں ہے،چیف جسٹس نے معشوق علی جانوری کو تنبیہ کرتے ہوئے کہا کہ اپنا رزق حلال کماؤ،بچوں کی جاکر اچھی پرورش کرو۔