لاہور: بنگال ٹائیگر کیساتھ سرعام گھومنے والے ٹک ٹاکر کیخلاف کارروائی

لاہور: بنگال ٹائیگر کے ساتھ سرعام گھومنے پھرنے کی ویڈیو بنانے والے ٹک ٹاکر پنجاب وائلڈلائف کے ریڈار پر آگئے۔سوشل میڈیا پر ویڈیو وائرل ہونے کے بعد پنجاب وائلڈلائف نے ٹائیگر برآمد کرکے تحویل میں لے لیا ،جب کہ ملزم ٹک ٹاکر کے خلاف کارروائی کے لیے پولیس کو درخواست دی گئی ہے۔ حکام نے واضح کیا ہے کہ سیاسی جلسے جلوسوں اور عوامی مقامات پر شیر،ٹائیگرسمیت کسی بھی جنگلی جانور کو لانے والوں کے خلاف قانونی کارروائی کی جائے گی۔

ٹک ٹاکر نعمان حسین کے خلاف پنجاب وائلڈ لائف لاہور کی ٹیم نے کارروائی شروع کردی ہے، اس حوالے سے بتایا گیا ہے کہ ملزم نے ٹک ٹاک سمیت دیگرسوشل میڈیا پلیٹ فارموں پر اپنی ویڈیوز شیئر کیں ۔ ڈی جی وائلڈلائف کی ہدایت پر ڈپٹی ڈائریکٹر نے کارروائی کرتے ہوئے ٹائیگر کو نعمان حسین کے بریڈنگ فار میں م ہی بند کردیا۔ڈپٹی ڈائریکٹر وائلڈ لائف لاہور ریجن تنویر جنجوعہ نے بتایا کہ ملزم کے خلاف وائلڈلائف ایکٹ کے تحت عدالت میں چالان پیش کردیا گیا ہے۔ عدالت ہی ملزم کو جرمانہ اورسزا دے سکتی ہے۔