انتخابات میں کامیاب آزاد امیدوار پیپلز پارٹی میں آئیں گے،منظور وسان

کراچی: پیپلزپارٹی کے رہنما منظور وسان نے کہا ہے کہ عام انتخابات میں کامیاب ہونے والے آزاد امیدوار پیپلز پارٹی میں آئیں گے۔بیان میں ان کا کہنا ہے کہ میں نے خواب دیکھا ہے کہ آزاد امیدوار پیپلز پارٹی میں آئیں گے،اچھاہےبانی پی ٹی آئی جیل میں ہیں، اگر باہر ہوتے تو الیکشن لڑنے کے لیے انہیں کوئی امیدوار بھی نہ ملتا۔ عام انتخابات میں پی ٹی آئی 30 یا 40 سیٹیں لے سکتی ہے۔ مسلم لیگ ن کے حوالے سے انہوں نے خدشہ ظاہر کیا کہ ہوسکتا ہے کہ الیکشن کے وقت ن لیگ میں وزارت عظمیٰ کے لیے اختلافات سامنے آئیں۔