پنجاب میں آج بھی نمونیا سے 12 ننھے بچے دم توڑ گئے

لاہور(اُمت نیوز)پنجاب میں آج بھی نمونیا سے 12 ننھے بچے دم توڑ گئے۔
گزشتہ 24 گھنٹے کے دوران ان 12 جاں بحق بچوں کی عمریں پیدائش سے چار سال کے درمیان ہیں۔
جاں بحق بچوں میں گوجرانولہ اور بہاولپور سے تین، راولپنڈی سے دو اور لاہور، فیصل آباد، شیخوپورہ، رحیم یار خان سے ایک ایک بچہ شامل ہے۔
گزشتہ روز 14 بچے نمونیا سے جان کی بازی ہار گئے تھے۔نمونیا سات روز کے دوران 76 بچوں کو موت کی نیند سلا چکا ہے۔
صوبے بھر سے مزید 1077 اور لاہور میں 251 بچےنمونیا کا شکار ہیں۔رواں برس 220 ننھے پھول نمونیا سے مرجھا چکے ہیں ۔