عام انتخابات: مسلم لیگ (ن) آج منڈی بہاؤالدین میں جلسہ کرے گی

منڈی بہاؤالدین(اُمت نیوز) مسلم لیگ (ن) کی جانب سے عام انتخابات 2024ء کے سلسلے میں آج منڈی بہاؤالدین میں جلسے کا انعقاد کیا جائے گا۔

سابق وزیر اعظم شہباز شریف منڈی بہاؤالدین کے قائد اعظم گراؤنڈ میں ہونے والے انتخابی پاور شو سے خطاب کریں گے، مسلم لیگ (ن) کے صدر بذریعہ ہیلی کاپٹر 2 بجے پہنچیں گے۔

جلسہ گاہ کے اطراف کی عمارتوں کو بینز سے سجا دیا گیا، کارکنوں کا جوش و خروش بڑھانے کیلئے مقامی قیادت نے آتشبازی کا مظاہرہ کیا، شیر کا بچہ بھی جلسہ گاہ میں توجہ کا مرکز بن گیا۔