کراچی میں پزیرائی اے این پی کےلئے بڑی نوید ہے،شاہی سید

کراچی : عوامی نیشنل پارٹی سندھ کے صدر شاہی سید نے اپنے بیان میں کہا ہے کہ حالیہ عام انتخابات کے سلسلے میں پورے کراچی شہر میں پارٹی کارکنان ، زمہ داران اور امیدواران کی جانب سے اپنی مدد آپ کے تحت پارٹی سرگرمیوں کے بہترین انعقاد اور پورے شہر میں پارٹی پرچم لگانے پر مبارکباد اور خراج تحسین پیش کرتا ہوں۔ کراچی شہر میں اتنی بڑی تعداد میں امیدواران کھڑے کرنے پر تمام امیدواران اور پارٹی تنظیموں کو سرخ سلام پیش کرتا ہوں۔

]عوام کی جانب سے ایک مرتبہ پھر کراچی شہر میں اے این پی کو جو پزیرائی مل رہی ہے وہ اس بات کی نوید ہے کہ اے این پی کراچی شہر کی ایک بڑی سیاسی جماعت ہے۔ اگر پارٹی کارکنان اور زمہ داران کا یہ جذبہ قائم رہا تو انشاللہ آنے والا کل اے این پی کا ہے۔ اے این پی کراچی اور پورے پاکستان کو پُرامن اور معاشی طور مظبوط کرنے کی خواہاں ہے۔ پُرامن اور ترقی یافتہ کراچی پرامن اور ترقی یافتہ پاکستان کی ضمانت ہے۔