بشریٰ بی بی نےاڈیالہ جیل پہنچ کر گرفتاری دیدی

راولپنڈی: توشہ خانہ کیس میں پاکستان تحریک انصاف کے سابق چیئرمین عمران خان کی اہلیہ بشریٰ بی بی گرفتاری دینے کے لیے اڈیالہ جیل پہنچی جہاں انہیں 6 گھنٹے بعد گرفتار کرلیا گیا جبکہ بشریٰ بی بی کا طبی معائنہ مکمل کرکے انہیں الگ سیل میں منتقل کردیا گیا۔

قبل ازیں اڈایلہ جیل سے خبر آئی تھی کہ احتساب عدالت کی جانب سے توشہ خانہ کیس میں فیصلہ سنائے جانے کے بعد عمران خان کی اہلیہ بشریٰ بی بی اڈیالہ جیل پہنچیں تو انہیں گرفتار کرلیا گیا۔تاہم اڈیالہ جیل میں ڈپٹی سپرنٹنڈنٹ کے دفتر میں موجود بشریٰ بی بی کو 6 گھنٹے سے زائد وقت گزرنے کے بعد گرفتار کرلیا گیا۔

بشری بی بی کی توشہ خانہ ریفرنس میں گرفتاری کے معاملے پر جیل حکام کے مطابق بشریٰ بی بی کا اڈیالہ جیل میں طبعی معائنہ مکمل کر لیا گیا، بشری بی بی کو الگ سیل میں منتقل کر دیا گیا جیل حکام کا کہنا ہے کہ بشریٰ بی بی کے سامان کی مکمل تلاشی اور فگر پرنٹس کا عمل بھی مکمل ہوگیا، بشری بی بی کو آج توشہ خانہ ریفرنس میں 14 سال قید اور 787 ملین جرمانے کی سزا سنائی گئی تھی، ان کی اڈیالہ جیل راولپنڈی میں آج پہلی رات ہوگی۔

ذرائع کے مطابق وفاقی انتظامیہ کی جانب سے بنی گالہ کو سب جیل قرار دینے کا بھی امکان ہے جبکہ بشریٰ بی بی کی جیل سے بنی گالہ منتقلی کو وفاقی انتظامیہ کے فیصلے سے مشروط کیا گیا ہے۔