عام انتخابات 2024: الیکشن کمیشن میں 25 شکایت موصول

اسلام آباد(اُمت نیوز)الیکشن کمیشن مانیٹرنگ سیل میں مختلف جماعتوں کی جانب سے شکایات موصول ہونے کا سلسلہ جاری ہے۔

مانیٹرنگ سیل میں اب تک 25 شکایت موصول ہوئیں جن کا فوری ازالہ کر دیا گیا، تمام شکایات معمولی نوعیت کی تھیں، شکایات پولنگ تاخیر سے شروع ہونے سے متعلق اور دیگر ہیں۔

انٹر نیٹ بندش کے باعث مشکلات کا سامنا ہے، لوگوں کو 8300 پر اپنا میسیج بھیج کر متعلقہ پولنگ اسٹیشن معلوم کرنا تھا۔

اے ڈی جی مانیٹرنگ ہارون شنواری کے مطابق ملک بھر میں پولنگ پرامن جاری ہے۔

واضح رہے کہ ملک بھر میں عام انتخابات 2024 کے لیے پولنگ کا عمل جاری ہے، پولنگ کا آغاز صبح 8 بجے ہوا جو شام 5 بجے تک بغیر کسی وقفے کے جاری رہے گی۔