فاسٹ بولر احسان اللہ پی ایس ایل 9 سے باہر

اسلام آباد(اُمت نیوز)قومی کرکٹ ٹیم کے فاسٹ بولر احسان اللہ پاکستان سپر لیگ (پی ایس ایل) سیزن 9 سے باہر ہو گئے۔

ملتان سلطانز کے مطابق احسان اللہ انجری کے باعث پی ایس ایل سیزن 9 نہیں کھیلیں گے، دوسری جانب ریس ٹوپلے بھی ملتان سلطانز کو پی ایس ایل کے اس سیزن کے لیے دستیاب نہیں ہوں گے۔

ریس ٹوپلے کی عدم دستیابی کی وجہ انگلش کرکٹ بورڈ کی جانب سے ان کو این او سی جاری نہیں کرنا بتائی گئی ہے۔