اسلام آباد سے ن لیگی امیدواروں کی کامیابی کے نوٹیفکیشن معطل

اسلام آباد ہائیکورٹ نے لیگی امیدواروں طارق فضل چوہدری ، راجا خرم اور انجم عقیل کی کامیابی کا نوٹیفکیشن معطل کردیا۔

اسلام آباد ہائیکورٹ کے جسٹس میاں گل حسن اورنگزیب اور جسٹس ارباب محمد طاہر نے احکامات جاری کیے ہیں۔طارق فضل چوہدری قومی اسمبلی کے حلقہ این اے 47 سے امیدوار تھے۔

پی ٹی آئی کے حمایت یافتہ آزاد امیدوار محمد شعیب شاہین نے قومی اسمبلی کے حلقہ این اے 47 کا نتیجہ اسلام آباد ہائی کورٹ میں چیلنج کیا تھا۔

اسلام آباد ہائیکورٹ نے این اے 46 سے انجم عقیل اور این اے 48 سےراجا خرم کی کامیابی کے نوٹی فکیشن بھی معطل کرنے کے احکامات جاری کیے۔