چین: رہائشی عمارت میں بھیانک آتشزدگی، 15 افراد ہلاک

چین (اُمت نیوز)چین میں رہائشی عمارت میں آتشزدگی کا بھیانک واقعہ پیش آیا ہے، جس میں 15 افراد ہلاک اور 40 سے زائد زخمی ہوگئے ہیں۔

چینی خبر رساں ادارے کے مطابق مقامی حکام نے ایک پریس کانفرنس میں بتایا کہ شنگھائی سے 260 کلومیٹر شمال مغرب میں واقع عمارت میں آتشزدگی کی اطلاع ملنے پر آگ پر قابو پانے کے لیے پچیس فائر ٹرکوں کو متحرک کیا گیا اور صبح 6 بجے تک آگ پر قابو پا لیا گیا تھا۔

انہوں نے بتایا کہ آتشزدگی سے 15 افراد ہلاک ہیں، جبکہ 44 زخمیوں کو علاج کے لیے ہسپتال بھیجا گیا جن میں سے ایک کی حالت تشویشناک ہے۔