کراچی میں ڈاکو بے لگام ،4 بچوں کے باپ قتل کو قتل کر دیا

کراچی کے علاقے کورنگی میں ڈاکوؤں نے ایک اور گھر اجاڑ دیا، مقتول فیاض 4 بچوں کا باپ اور کورنگی سیکٹر 50 سی میو کالونی کا رہائشی تھا۔

پولیس حکام نے بتایا کہ ویٹا چورنگی کے قریب ملزمان نے لوٹ مارکے دوران فائرنگ کی، جس کے نتیجے میں ایک شخص جاں بحق جبکہ دوسرا زخمی ہو گیا۔

مقتول کی شناخت محمد فیاض اور زخمی کی شناخت فواد بخش کے نام سے ہوئی ہے۔پولیس کا کہنا ہے کہ ابتدائی طور پر واقعہ ڈکیتی مزاحمت کا معلوم ہوتا ہے، مقتول اور زخمی دونوں کو جناح ہسپتال منتقل کر دیا گیا ہے۔پولیس نے واقعے کی تحقیقات شروع کر دی ہیں۔

حکام کا کہنا ہے کہ مقتول فیاض واقعے کے وقت فیکٹری ملازم فواد بخش کے ہمراہ موٹر سائیکل پر جارہا تھا، ڈاکوؤں نے ویٹا چورنگی کے قریب انہیں روک کر لوٹ مار کی اور فائرنگ کی۔

پولیس کے مطابق زخمی فواد بخش نے بتایا کہ مقتول اور اس نے مزاحمت نہیں کی، ڈاکوؤں نے فرار ہوتے وقت فائرنگ کی۔

مقتول فیاض کی لاش کو ضروری کارروائی کے بعد ورثا کے حوالے کر دیا گیا ہے، جبکہ زخمی فواد بخش کو طبی امداد کے بعد اسپتال سے فارغ کر دیا گیا ہے۔

لواحقین نے بتایا کہ مقتول فیاض کے 4 بچے ہیں، جو کورنگی سیکٹر50 سی میو کالونی کا رہائشی تھا، فیاض 7 بہن بھائیوں میں تیسرے نمبر پر تھا۔