سعودی عرب اور یو اے ای میں ماہ رمضان کا چاند نظر آگیا

سعودی عرب (اُمت نیوز)سعودی عرب اور متحدہ عرب امارات میں ماہ مقدس رمضان المبارک کا چاند نظر آگیا ہے، جہاں کل پہلا روزہ ہوگا، مغربی ماہرین نے آج عرب دنیا میں چاند نظر نہ آنے کی پیش گوئی کی تھی۔

سعودی عرب میں چاند دیکھنے کیلئے مملکت کی 10 آبزرویٹریز میں اجلاس ہوئے جبکہ سعودی سپریم کورٹ نے بھی عوام سے چاند دیکھنے کی اپیل کی تھی۔

سعودیہ کے بیشتر مقامات پر مطلع ابر آلود تھا، اور آندھی کے باعث چاند دیکھنے میں دشواری کا سامنا بھی تھا۔

چاند سے متعلق رویت ہلال کمیٹی نے بھی اجلاس طلب کر لیا

لیکن اس کے باوجود مملکت میں رمضان المبارک کا چاند نظر آگیا، اور اب کل 11 مارچ کو یکم رمضان 1445 ہجری ہوگا۔

حرمین شریفین میں نماز تراویح آج عشا کی نماز کے بعد پڑھائی جائے گی۔

متحدہ عرب امارات میں بھی رمضان کا چاند نظر آگیا
متحدہ عرب امارات (یو اے ای) میں بھی رمضان المبارک کا چاند نظر آگیا ہے اور مقدس مہینہ 11 مارچ بروز پیر سے شروع ہوگا۔

ملک کی چاند دیکھنے والی کمیٹی نے کہا کہ ہلال اتوار (10 مارچ) کی شام کو دیکھا گیا۔

آج شام کو چاند نظر آنے کے بعد 10 مارچ بروز اتوار سے نماز تراویح شروع ہو جائے گی۔