مریض کے دماغ میں جانور کے انڈے دیکھ کر ڈاکٹر حیران

نیویارک: امریکی شخص کا مسلسل سر درد کے سبب ڈاکٹروں نے سر کا اسکین کروایا تو دماغ میں ایک جانور کے انڈے نظر آئے جس پر ڈاکٹر بھی ششدر رہ گئے۔

امریکی ریاست فلوریڈا کا رہائشی 52 سالہ شخص درد شقیقہ میں مبتلا ہونے کے سبب شدید اذیت میں تھا۔ ان کو مختلف ادویات دی گئیں مگر درد اس قدر شدید تھی کہ دواؤں نے بھی کام بند کر دیا۔ آخرکار ڈاکٹروں نے ان کے سر کا اسکین کروایا تو اندر چھالوں کا انکشاف ہوا مگر غور کرنے پر پتہ چلا کہ وہ دراصل ایک جانورکے انڈے تھے۔

ڈاکٹروں کا کہنا تھا کہ یہ ٹیپ ورم کے انڈے ہیں جو مریض کے سر میں شدید درد کا سبب بن رہے تھے، ٹیپ ورم نے دماغ کے دونوں اطراف انڈے دے رکھے تھے۔

طبی ماہرین کا مزید کہنا تھا کہ سور کے گوشت میں موجود ایک ٹیپ ورم انسانی جسم میں داخل ہوا اور آنت میں اس کے انتہائی باریک انڈے خون کے ذریعے دماغ تک پہنچ گئے جنہوں نے اس کو ناقابل برداشت اذیت میں مبتلا کیے رکھا۔