پشاور، بچوں کی قابل اعتراض ویڈیو بنانے میں ملوث گروہ کا سرغنہ گرفتار

پشاور سے بچوں کے ساتھ زیادتی کرنے اور ان کی قابل اعتراض ویڈیو بنانے میں ملوث گروہ کے سرغنہ کو گرفتار کر لیا گیا۔

نجی ٹی وی نے وفاقی تحقیقاتی ایجنسی (ایف آئی اے) کے حوالے سے بتایا کہ گرفتار ملزم اعجاز بچوں کے ساتھ زیادتی میں ملوث گینگ کا سرغنہ ہے۔

ایف آئی اے حکام نے بتایا کہ ملزم کے زیر استعمال ڈیوائسز سے بچوں کی قابل اعتراض ویڈیوز برآمد کر لی گئی ہیں، گینگ کے ارکان بچوں کو گن پوائنٹ پر پکڑتے اور ان کی قابل اعتراض ویڈیوز بناتے تھے۔اس کے علاوہ ملزمان ویڈیوز وائرل کرنےکی دھمکی دے کر بچوں کا مزید استحصال کرتے تھے۔