سری لنکا کے کرکٹر لاہیرو تھریمانے حادثے میں زخمی

کولمبو:سری لنکا کے کرکٹر لاہیرو تھریمانے خطرناک حادثے میں زخمی ہوگئے۔

سری لنکن میڈیا نے بتایا کہ لاہیرو تھریمانے کو ہسپتال میں داخل کرلیا گیا ہے،کار حادثے میں خوش قسمتی سے وہ محفوظ رہے۔

رپورٹس کے مطابق لاہیرو تھریمانے کو معمولی چوٹیں آئی ہیں، ان کی گاڑی کو حادثہ سری لنکن شہر انورادا پورہ میں پیش آیا۔

سری لنکن میڈیا کے مطابق لاہیرو تھریمانے کی گاڑی مخالف سمت سے آنے والے ٹرک سے ٹکرائی، حادثے میں گاڑی کا اگلا حصہ مکمل طور پر تباہ ہوگیا۔