وکیل صاحب یہاں بندے غائب ہو جاتے ہیں، وکیل غائب ہو جاتے ہیں آپ ضمنی بیان کی بات کر رہے ہیں، فائل فوٹو

اسلام آباد ہائیکورٹ کے 6ججز کے خط کی تحقیقات کیلیے سپریم کورٹ میں درخواست دائر

بدھ 27 مارچ 2024, 2:59 شام اہم خبریں, قومی

اسلام آباد ہائیکورٹ کے 6ججز کے خط کی اوپن کورٹ تحقیقات کیلئے سپریم کورٹ میں درخواست دائر کر دی گئی۔

نجی ٹی وی کے مطابق میاں داؤد ایڈووکیٹ نے سپریم کورٹ میں آئینی درخواست دائر کی ،آئینی درخواست میں سپریم کورٹ سے بااختیارکمیشن بنا کرانکوائری کرانے کی استدعا کی گئی ہے۔

درخواست گزار کا کہنا ہے کہ اسلام آباد ہائیکورٹ کے ججز کا خط ایک طے شدہ منصوبہ لگتا ہے ، سپریم جوڈیشل کونسل ایسے تنازعات کی تحقیقات کا ادارہ نہیں ،ججز کا سپریم جوڈیشل کونسل کو خط عدلیہ کو اسکینڈلائزڈ کرنے کے مترادف ہے،6ججز نے اپنے خط میں بانی پی ٹی آئی کے صر ف ایک مقدمے کی مثال پیش کی،بانی پی ٹی آئی کے مقدمے کے سوا ججز نے ایک بھی مقدمے کا واضح حوالہ اور ثبوت نہیں دیا۔