اڈیالہ جیل میں سیاسی و عام قیدیوں سے ملاقات پر پابندی ختم

راولپنڈی کی اڈیالہ جیل میں سیاسی و عام قیدیوں سے ملاقاتوں پر دو ہفتوں سے جاری پابندی ختم کر دی گئی، جیل انتظامیہ کے مطابق اڈیالہ جیل میں آج سے ملاقاتیں دوبارہ بحال ہوگئیں۔

راولپنڈی اڈیالہ جیل میں سیاسی و عام قیدیوں سے ملاقاتوں پر 2 ہفتوں سے جاری پابندی ختم کر دی گئی جبکہ پابندی کے باعث رمضان میں قیدی 2 ہفتے تک اپنے پیاروں سے ملاقات نہیں کرسکے تھے۔

جیل انتظامیہ کے مطابق ملاقاتوں پرپابندی کا مقصد بانی پی ٹی آئی سمیت اڈیالہ جیل میں 7 ہزار سے زائد قیدیوں کی حفاظت یقینی بنانا تھا، جیل میں آج سے ملاقاتوں پر پابندی ختم ہوچکی ہے۔

جیل انتظامیہ کے مطابق اڈیالہ جیل میں آج سے ملاقاتیں دوبارہ بحال ہوگئی ہیں۔سپرنٹنڈڈنٹ اڈیالہ جیل نے بتایا کہ جیل میں موجود تمام قیدیوں کے لواحقین نارمل ایس او پیز کے مطابق ملاقات کرسکیں گے۔

یاد رہے کہ پنجاب حکومت نے سیکیورٹی خدشات کے پیش نظر 12 مارچ کو اڈیالہ جیل میں ملاقاتوں پر پابندی عائد کی تھی۔