بینک سے رقم لے کرنکلنے والوں پر ڈاکوؤں کی فائرنگ،ایک شخص جاں بحق

کراچی کے علاقے گلشن معمار میں بینک سے  رقم لے کرنکلنے والوں پر ڈاکوؤں نے فائرنگ کردی، جس کے نتیجے میں ایک شخص جاں بحق ہوگیا۔

تفصیلات کے مطابق کراچی کے علاقے گلشن معمار میں فائرنگ کا واقعہ پیش آیا، جہاں ڈکیتی مزاحمت پر ڈاکوؤں نے گاڑی پر فائرنگ کردی، فائرنگ سے ایک شخص زخمی ہوگیا،جو دوران علاج دم توڑ گیا، فائرنگ سے 40 سالہ امجد جاں بحق اور 40 سالہ امان اللہ زخمی ہوئے.

عینی شاہد نے بتایا کہ گاڑی میں سوار2 افراد بینک سے رقم لے کر نکلے تھے، موٹرسائیکل سوار ملزمان نے گاڑی پر فائرنگ کی، ایک ملزم نے ماسک اور دوسرے نے ہیلمٹ پہنا ہوا تھا، کار سوار ایک شخص کلمہ پڑ رہا تھا۔