موجودہ حکومت فارم 47کی بیساکھیوں پر قائم ہے،عمر ایوب

اسلام آباد: پی ٹی آئی رہنما عمر ایوب نے پنجاب میں تین جلسے کرنے کا اعلان کرتے ہوئے کہا کہ موجودہ حکومت فارم 47 کی بیساکھیوں پر قائم ہے،27اپریل کو کراچی میں جلسہ کریں گے۔

عمرایوب نے پریس کانفرنس کے دوران بتایا کہ پی ٹی آئی پنجاب میں تیہن جلسے کرئے گی، اپوزیشن اتحاد کا کل پشین ،چمن میں جلسہ ہوگا، موجودہ حکومت فارم 47کے بیساکھیوں پر آئی ہے،27اپریل کو کراچی میں جلسہ کریں گے۔

عمرایوب کا کہنا تھا کہ تحریک انصاف کو دیوار سے لگایاگیا، بانی پی ٹی آئی کو جیل میں ڈالا گیا، سائفر کیس تو اپنی موت آپ مر رہا ہے۔

عمرایوب نے کہا کہ چئیرمین پی ٹی آئی پر بوگس کیسز بنائے گئے، عمران خان، شاہ محمود قریشی سمیت دیگر رہنماؤں کو جیل میں ڈالا گیا، میں خود بھی روپوش رہا، جو لوگ کہتے تھے کہ پارٹی ختم ہوجائےگی، یہ ان کی خام خیالی تھی۔ اس وقت ملک میں پی ڈی ایم ٹو کی حکومت ہیں آج پاکستان میں آئین و قانون کا فقدان ہے.

عمرایوب کا مزید کہنا تھا کہ ہائیکورٹ کےججز کودباؤمیں لانےکی کوشش کی گئی ہم ریاست مدینہ کا قیام چاہتے ہیں۔ قانون پرعمل ہوگاتوسرمایہ کاری بھی سامنےآئی گی۔