انگلینڈ کے لیجنڈری سپنر ڈیرک انڈروڈ انتقال کر گئے

لاہور (اُمت نیوز) انگلینڈ کے لیجنڈری سپنر ڈیرک انڈروڈ 78 سال کی عمر میں انتقال کر گئے۔

انگلینڈ سے تعلق رکھنے والے ڈیرک انڈروڈ نے 1966 سے 1982 کے درمیان 86 ٹیسٹ میچوں میں 297 وکٹیں حاصل کیں، انہوں نے 26 ایک روزہ میچز کھیلے جس میں انہوں نے 26 وکٹیں اپنے نام کیں۔

وہ انگلینڈ کی تاریخ میں چھٹے سب سے زیادہ وکٹیں لینے والے باؤلر ہیں، 1969 سے 1973 تک انڈروڈ آئی سی سی رینکنگ میں سب سے اوپر تھے۔

انگلش سپنر ڈیرک انڈروڈ نے 17 سال کی عمر میں اپنی پہلی ٹیم میں ڈیبیو کیا تھا اور اپنا فرسٹ کلاس کیریئر کینٹ کے ساتھ کھیلا جہاں انہوں نے 19 کی اوسط سے 2,523 وکٹیں حاصل کیں۔

ڈیرک انڈروڈ تکنیکی لحاظ سے بڑے شاندار باؤلر تھے اور انہوں نے اپنے پورے کیریئر میں ایک بھی وائیڈ بال نہیں کرائی، ان کی ان سوئنگ بال بھی بڑی مشہور تھی جس سے بلے باز ایل بی ڈبلیو ہو جاتے تھے۔

انگلینڈ کے سپن لیجنڈ ڈیرک انڈرووڈ کو 2009 میں آئی سی سی ہال آف فیم میں شامل کیا گیا تھا۔