گھوٹکی ،ڈاکووﺅں کا پولیس چوکی پرحملہ، ایک اہلکار شہید،2 اغوا

گھوٹکی : ڈاکووﺅں نے پولیس چوکی پر حملہ کر دیا، فائرنگ کے تبادلے کے بعد 1 ڈاکو مارا گیا جبکہ 1 پولیس اہلکارشہید ہو گیا ۔

ڈاکو 2 پولیس اہلکاروں کو اسلحے سمیت اغوا کر کے لے گئے۔ پولیس کے مطابق ڈاکووﺅں نے گھوٹکی کے علاقے آندل سندرانی کی پولیس چوکی نمبر 5 کونشانہ بنایا۔

چوکی پر حملے کے بعد پولیس نے بھرپور جوابی کارروائی کی، اس دوران فائرنگ کے تبادلے میں 1 ڈاکو مارا گیا جبکہ 1 پولیس اہلکار شہید ہوگیا۔ڈاکو 2 پولیس اہلکاروں کو اسلحے سمیت اغوا کر کے ساتھ لے گئے۔

واقعے کے بعد مزید نفری طلب کر لی گئی ہے،مغوی پولیس اہلکاروں کی بازیابی کے لئے کوششیں جاری ہیں۔