تندور پر روٹیاں لگا کر بیمار شوہر کی ہمت بڑھانے والی با ہمت خاتون

تندور پر روٹیاں لگا کر بیمار شوہر کی ہمت بڑھانے والی با ہمت خاتون سمیرا نے اپنی کہانی سنا دی جسے سن کر فضاء علی دورانِ شو غصے میں آ گئیں۔
نجی ٹی وی کے مارننگ شو میں تندور پر روٹیاں لگا کر اپنے بیمار شوہر کا ساتھ دینے والی سمیرا نامی باہمت خاتون نے شرکت کی، پروگرام میں گفتگو کرتے ہوئے ’سمیرا باجی تندور والی‘ نے اپنی کہانی سنائی، جب تمام رشتہ داروں نے ساتھ چھوڑ دیا تو سمیرا نے نہ صرف زندگی سے مایوس اپنے بیمار شوہر کو زندگی سے پیار کرنا سکھایا بلکہ اپنے بچوں کو بھی پڑھایا۔

سمیرا باجی کا کہنا تھا کہ وہ کبھی مشکلات سے نہیں گھبرائی اور نہ ہی کبھی اس کی آنکھوں میں آنسو آئے کیونکہ اگر وہ روئے گی تو اس کے بچے ہمت ہار دیں گے، سمیرا نے سب کے طعنے برداشت کئے مگر اپنا کام جاری رکھا اور آج وہ تندور پر روٹیاں لگا کر باعزت زندگی گزار رہی ہیں۔