اسلام آباد: مارگلہ ہلز پر لگی آگ پر مکمل قابو پا لیا گیا

اسلام آباد(اُمت نیوز)وفاقی دارالحکومت اسلام آباد میں مارگلہ ہلز پر لگی آگ پر مکمل قابو پا لیا گیا۔

کیپٹل ڈویلپمنٹ اتھارٹی (سی ڈی اے) کے مطابق نورپور گزارا میں آگ گزشتہ شب 8 بجے لگی تھی، آگ لوئی دندی، رتا ہتار اور پیر سوہاوا تک پہنچ گئی تھی۔

سی ڈی اے کے مطابق آگ 3 کلومیٹر تک دائرے کی شکل میں لگی تھی اور تیز ہوا کے باعث آگ تیزی سے پھیل گئی تھی۔

حکام کا کہنا ہے کہ 150 اہلکاروں نے آگ بجھانے کے آپریشن میں حصہ لیا۔