بشکیک سے 171 طلبہ کو لیکر پی آئی اے کی پہلی پرواز کراچی پہنچ گئی

 

کراچی (اُمت نیوز)بشکیک سے 171 طلبہ کو لے کر پی آئی اے کی پہلی پرواز کراچی پہنچ گئی۔

اس موقع پر وزیراعلیٰ سندھ مراد علی شاہ سمیت دیگر افراد طلبہ کے استقبال کے لیے موجود تھے۔ ایئر پورٹ پر طلبہ کے اہلخانہ بھی بڑی تعداد میں موجود تھے۔

وزیراعلیٰ سندھ کا کہنا تھا کہ کرغزستان سے سندھ کے 205 طلبہ کو واپس لایا گیا ہے، واپسی کا انتظام صوبائی حکومت نے کیا، اللّٰہ کا شکر ہے کہ طالب علموں کی بحفاظت واپسی کو یقینی بنایا گیا۔

انہوں نے کہا کہ کرغزستان سے واپس آنے والے 99 طلبہ کا تعلق کراچی سے ہے، حکومت سندھ بچوں کے والدین اور کرغزستان میں پاکستانی سفارتخانے سے رابطے میں تھی۔

بشکیک سے پی آئی اے کی لاہور، اسلام آباد، پشاور اور ملتان کے لیے بھی خصوصی پروازیں آپریٹ کریں گی۔

واضح رہے کہ بشکیک سے کئی پروازوں کے ذریعے پاکستانی طلبہ وطن واپس پہنچ چکے ہیں۔