کراچی میں میٹرک کا کل ہونے والے پرچہ ملتوی، جامعہ کراچی میں تعطیل

کراچی: یوم تکبیر پر 28 مئی کو عام تعطیل کے باعث کراچی میں میٹرک کا کل ہونے والے پرچہ ملتوی کردیا گیا ہے۔وزیر بورڈ و جامعات محمد علی ملکانی کا کہنا ہے کہ میٹرک کے ملتوی پرچے کی نئی تاریخ کا اعلان بعد میں ہوگا۔

سندھ حکومت کی جانب سے کل عام تعطیل کا اعلان کردیا گیا، صوبائی وزیر بورڈز جامعات محمد علی ملکانی کے مطابق کل عام تعطیل کے باعث کراچی میں میٹرک امتحانات نہیں ہوں گے، کل ملتوی ہونے والے پرچے کی نئی تاریخ کا اعلان بعد میں ہوگا۔

جامعہ کراچی نے یوم تکبیر کے موقع پر منگل 28 اکتوبر کو جامعہ میں تعطیل کا اعلان کیا ہے۔جامعہ کراچی کے اعلامیہ کے مطابق جامعہ کے تحت 28 مئی کو ہونے والے امتحانات ملتوی کردیے گئے ہیں۔یونیورسٹی اعلامیے میں کہا گیا کہ ملتوی شدہ امتحانات کی تاریخ کا اعلان قائم مقام وائس چانسلر کی منظوری کے بعد میں کیا جائے گا۔