میکسیکو میں اسرائیلی سفارت خانے پر حملہ

میکسیکو کے دارالحکومت میکسیکو سٹی میں اسرائیل کے سفارت خانے پر حملہ ہوا ہے۔

سیکڑوں افراد سفارت خانے کے سامنے جمع ہوئے اور پُرزور احتجاج کیا۔ اس دوران پیٹرول بم بھی استعمال کیے گئے جن سے اسرائیلی سفارت خانے کی حدود میں آگ لگ گئی۔

اسرائیلی سفارت خانے کی سیکیورٹی پر مامور پولیس اہلکاروں اور مظاہرین کے درمیان جھڑپیں بھی ہوئیں جن کے نتیجے میں متعدد پولیس اہلکار اور مظاہرین زخمی ہوگئے۔

مظاہرین نے نعرے بازی کی اور غزہ میں آپریشن فوری بند کرنے کا مطالبہ کیا۔ مظاہرین نے اسرائیلی سفارت خانے کے سامنے لگائی جانے والی رکاوٹیں ہٹانے کی بھی کوشش کی۔ احتجاج سے بس اسٹیشن اور دیگر املاک کو نقصان بھی پہنچا۔