حکومت نے عوام پر پھر بجلی گرادی،فی یونٹس سوا3روپے مہنگی

اسلام آباد(اُمت نیوز) مہنگائی کے مارے عوام کیلئے ایک اور بری خبر، بجلی کی قیمتوں میں اضافہ کر دیا گیا۔

نیپرا کے ذرائع کے مطابق بجلی کی قیمتوں میں 3 روپے 25 پیسے فی یونٹ اٖضافہ کیا گیا، بجلی کی قیمتوں میں اضافہ سہہ ماہی ایڈجسمنٹ کی مد میں کیا گیا، بجلی کی قیمتوں میں اضافے کا اطلاق جون جولائی اور اگست 3 ماہ کے لئے ہو گا۔

ذرائع کا مزید کہنا ہے کہ نیپرا نے بجلی کی قیمتوں میں اضافے کا فیصلہ وفاقی حکومت کو بھجوا دیا۔

واضح رہے کہ بجلی کی قیمتوں میں اضافے سے صارفین پر 46 ارب روپے کا بوجھ پڑے گا۔