امریکی سفیر پاکستان اور امریکا کا میچ دیکھنے اسٹیڈیم پہنچ گئے

امریکا(اُمت نیوز)پاکستان میں امریکا کے سفیر ڈونلڈ بلوم بھی ڈیلس میں پاکستان اور امریکا کے درمیان ورلڈ کپ میچ دیکھنے اسٹیڈیم پہنچ گئے۔

نجی ٹی وی سے گفتگو کرتے ہوئے ڈونلڈ بلوم نے کہا کہ بابر اعظم دنیا کے بہترین بیٹسمین ہیں۔

دوسری جانب آئی سی سی ٹی ٹوئنٹی ورلڈ کپ کیلئے پاکستان کرکٹ ٹیم کی امریکا میں موجودگی پر امریکا میں مقیم پاکستانی کافی پرجوش ہیں۔

پاکستان اور امریکا کے میچ کیلئے دیگر شہروں سے بھی بڑی تعداد میں پاکستانی ڈیلاس پہنچے ہیں۔

شائقین کرکٹ پاکستان ٹیم کو ایکشن میں دیکھنے کیلئے کافی خوش ہیں۔

ہیوسٹن سے آئے ایک پاکستانی نے کہا کہ پاک امریکا میچ کیلئے ہم کافی پرجوش ہیں کیونکہ دونوں ہی ممالک سے ہمارا تعلق ہے، پہلے ہم پاکستانی تھے تاہم اب ہم امریکی شہری ہیں اس لیے دونوں ٹیموں کو سپورٹ کریں گے۔

انہوں نے کہا کہ امریکا میں پاکستانی پلیئرز کو قریب سے دیکھنے کا پہلی بار موقع ملے گا اسی لیے ہم ہیوسٹن سے ڈیلاس آئے ہیں۔