دنیا کا سند یافتہ سب سے پستہ قد شادی شدہ جوڑا

برازیلیا: برازیل کے جوڑے نے دنیا کا سب سے پستہ قد شادی شدہ جوڑا ہونے کا اعزاز حاصل کرلیا۔

21 سالہ پاؤلو گیبریل ڈا سلوا باروس اور 28 سالہ کاٹیوسیا لی ہوشینو پہلی بار 2006 میں ملے تھے، شادی کے بندھن میں بندھنے سے قبل یہ جوڑا 15 سال سے زیادہ عرصے تک لونگ پارٹنر شپ میں تھا۔

گنیز ورلڈ ریکارڈ کے مطابق جوڑے کی مشترکہ اونچائی 181.41 سینٹی میٹر (5 فٹ 9 انچ) ہے۔ پاؤلو کی اونچائی 90.28 سینٹی میٹر (35.54 انچ) ہے جبکہ کیٹیوسیا کی اونچائی 91.13 سینٹی میٹر (35.88 انچ) ہے۔

اس جوڑے کا کہنا ہے کہ ہم چھوٹے ضرور ہیں لیکن ہمارے دل بڑے ہیں اور ہماری زندگی میں ایک دوسرے کے ساتھ ساتھ ہر ایک کے لئے بہت پیار ہے۔