گھوٹکی: کچے میں پولیس کی کارروائی، ایک ڈاکو ہلاک، 3 زخمی

گھوٹکی (اُمت نیوز)گھوٹکی میں رونتی کے کچے میں پولیس نے کارروائی کر کے سلطوشر گینگ کے ایک ڈاکو ہلاک اور 3 کو زخمی کر دیا۔

اس حوالے سے ایس ایس پی سمیر نور نے کہا ہے کہ ڈاکوؤں کے قبضے سے اینٹی ایئر کرافٹ گن برآمد ہوئی ہے۔

دوسری جانب چک جھمرہ کا نوجوان 3 ماہ سے ڈاکوؤں کی قید میں ہے۔

اس حوالے سے مغوی کے والد کا کہنا ہے کہ بیٹے کو ڈاکوؤں نے 3 ماہ سے قید کیا ہوا ہے۔

مغوی نوجوان کے والد نے کہا کہ بیٹے کے اغواء کا مقدمہ تھانہ ملت ٹاؤن میں درج ہے، ڈاکوؤں نے 15 لاکھ روپے تاوان کا مطالبہ کیا ہے۔

ڈاکوؤں نے مغوی نوجوان پر تشدد کی نئی ویڈیو مغوی کے والد کو بھجوائی ہے۔